२७ पुस २०८० काठमाडाै । नेपाल तामाङ समाज आेमानले वृहत ल्हाेछार सांस्कृतिक कार्यक्रम गर्ने भएकाे छ ।
नेपाल तामाङ समाज ओमानले तामाङ समुदायको राष्ट्रिय सांस्कृतिक पर्व एवं नयाँ वर्ष २८६० डुक ल्हो सोनाम ल्होछारको अवसरमा”नेपाल हाम्रो देश,अलग-अलग भाषा र भेष,तामाङ भाषा धर्म र संस्कृति बचाउने हाम्रो अभियान”भन्ने मुलनाराकासाथ यही आउँदो फेब्रुअरी ९ तारिख शुक्रबारका दिन, बिहान ११ बजे ओमानको अल रफा पार्टी हलमा सोनाम ल्होछार साँझ-२०२४ भव्यताका साथ कार्यक्रम गर्ने भएको हाे ।
नेपाल तामाङ समाज ओमानका अध्यक्ष पासाङ मोक्तान तामाङका अनुसार उक्त कार्यक्रममा नेपालबाट आमन्त्रित अतिथि कलाकार चर्चित वरिष्ठ गायक रोज मोक्तानको सहभागितामा स्थानीय कलाकारहरूबाट नाँचगान, तामाङ सेलो, म्हेन्दोमाया नाँच, सोनाम ल्होछार सम्बन्धि शुभकामना आदानप्रदान जस्ता विभिन्न कार्यक्रमहरु गरेर सोनाम ल्होछार मनाउने तयारी भएको जनाएका छन् ।